سندھ اور پنجاب کے کچے میں دہشت کی علامت ڈاکو سلطو شر ہلاک

سکھر/اوباڑو/گھوٹکی(بیورو رپورٹ /نامہ نگاران)سندھ اور پنجاب کے کچے کے علاقوں میں دہشت کی علامت ڈاکو سلطان عرف سلطو شر اور اس کا ساتھی عیسو شر رونتی کچے کے علاقے میں پولیس مقابلے میں ہلاک ہوگیا پولیس کی کامیابی پر ڈی آئی جی سکھر جاوید سونھارو جسکانی اور ایس ایس پی گھوٹکی تنویر حسین تنیو رونتی کچے کے علاقے پہنچے، جہاں پر انہوں نے ڈی ایس پی آفس میں پریس کانفرنس کرتے ہوئے بتایا کہ ہلاک ڈاکو کے زندہ یا مردہگرفتاری پر سندھ حکومت کی جانب سے ایک کروڑ روپے انعام مقرر کیا گیا تھا، پولیس آپریشن کے بارے میں انہوں نے بتایا کہ یہ ایک ٹارگیٹڈ آپریشن تھا جس میں پولیس کی خصوصی ٹیم نے حصہ لیا، آئی جی سندھ نے گھوٹکی پولیس کیلئے 25لاکھ روپے انعام کا اعلان کیا ہے۔