قیدیوں کی 5گاڑیاںنیشنل اسٹیڈیم طلب

22 ستمبر ، 2022

کراچی (افضل ندیم ڈوگر) پاکستان اور انگلینڈ کے مابین کراچی میں ٹی ٹونٹی سیریز کے دوسرا میچ کے موقع پر سیکورٹی کے حوالے سے غیرمعمولی اقدامات سامنے آرہے ہیں۔ جمعرات کو (آج) سیریز کے دوسرے میچ سے قبل قیدیوں کو لے جانےوالی 5گاڑیوں کو نیشنل اسٹیڈیم طلب کیا گیا۔ سندھ پولیس کے اسپیشل سیکورٹی یونٹ کے ذرائع کے مطابق کرکٹ کے دوران ممکنہ طور پر ہلڑ بازی، دخل اندازی یا بدمزگی پیدا کرنے والے شائقین کو سلاخوں کے پیچھے میچ دکھانے کی تیاریاں کی گئی ہیں۔