کراچی (اسد ابن حسن) ملک بھر میں ایف آئی اے سائبر کرائم میں اصل حقیقی بھرتی شدہ افسران میں ہیڈکوارٹر کی پالیسییوں پر سخت تحفظات ہیں اور افسران نے کام میں دلچسپی لینا چھوڑ دیا ہے۔اس حوالے سے ڈی جی ایف آئی اے محسن بٹ کو سوالات بھیجے گئے مگر انہوں نے جواب دینے سے گریز کیا ۔ سائبر کرائم کے کئی اعلی افسران سے بات ہوئی اور سب ہی دل برداشتہ تھے۔ ان کا کہنا تھا کہ سائبر کرائم کے کلیدی عہدوں پر سائبر کرائم کے حقیقی اور اصل افسران کو یا تو بالکل تعینات نہیں کیا جاتا اور اگر مجبوری میں تعینات کر بھی دیا جائے تو وہ تعیناتی ایک دو ماہ کی ہوتی ہے اور مذکورہ پوسٹ پر پولیس کا پی ایس پی افسر تعینات کر دیا جاتا ہے۔ این آر تھری سی (نیشنل رسپانس سینٹر فار سائبر کرائم) 2006میں تشکیل دیا گیا اور فیز I میں بھرتیاں مطلوبہ قابلیت کی بنیادوں اور تجربے پر ہوئیں۔ اس فیز کے بھرتی شدہ ملازمین کو کچھ عرصے بعد مستقل بھی کر دیا گیا۔ کچھ اہم عہدوں پر قائم مقام نابلد ایف آئی اے افسران کو تعینات کیا گیا ہے جیسا کہ سائبر کرائم کراچی کا چارج گریڈ 17کے اسسٹنٹ ڈائریکٹر کو قائم مقام لگا دیا گیا ہے جبکہ مذکورہ افسر کے خلاف کرمنل انکوائری کافی عرصے سے زیر التوا ہے۔ یہی صورت حال سکھر، ملتان اور چند دیگر سائبر سرکلز کی ہے۔ کراچی، لاہور اور راولپنڈی زونز کے سربراہ بھی پی ایس پی افسران ہی ہیں جن کے پاس پیکا آرڈیننس کے مطابق تعلیمی قابلیت اور تجربہ نہیں ہے۔ قانون کے مطابق گریڈ 18سے گریڈ 20تک ان افسران کی تعیناتی کی جانی چاہئے جو کمپیوٹر سائنس میں ایم ایس سی، بی سی ایس، بی ایس (کمپیوٹر سائنس)، ایم سی ایس، بی آئی ٹی، ایم آئی ٹی، بی ای کمپیوٹر انجینئرنگ یا ایل ایل بی ہوں۔ تعیناتی کے لئے افسر کا چار برس انویسٹی گیشن، فارنسک، نیٹ ورک سیکورٹی اور ریسرچ کے کام میں ماہر ہونا ضروری ہے۔ مگر اب تعیناتی میں ان شرائط کو ملحوظ خاطر نہیں رکھا جا رہا۔ یہاں یہ بات سب سے اہم ہے کہ سائبر کرائم ونگ وزارت آئ ٹی کی ڈومین اور ماتحتی میں آتا ہے جبکہ اس کو وزارت داخلہ اور ایف آئی اے قوانین کے تحت چلایا جا رہا ہے اور خرابی کی بنیادی وجہ یہی ہے۔
کراچی گلشن اقبال میں جیل چورنگی سے سہراب گوٹھ جانیوالی مرکزی شاہراہ ٹوٹ پھوٹ کا شکار ہے سارا دن دھول مٹی اڑنا...
کراچی سپریم کورٹ نے چوہدری خلیق الزماں روڈ کی کمرشلائزیشن کے خلاف درخواست پر وکلا کے مہلت طلب کرنے پر سماعت...
واشنگٹن امریکی جامعات میں اسرائیلی فسطائیت کیخلاف اور فلسطینیوں کے حق میں مظاہروں میں شدت آرہی ہے اور...
اسلام آباد چیئرمین سینیٹ سید یوسف رضا گیلانی نے گزشتہ روز سینٹ میں قائد حزب اختلاف شبلی فراز کی تقریر کے بعد...
کراچی ایس آر بی نے ٹیکس چوری پر ریسٹورنٹ سیل کردیا ،سندھ ریونیو بورڈ کا کہنا ہے کہ کراچی کے دو دریا پر واقع...
کراچی فیصل بینک ،سال 2024کی پہلی سہ ماہی میں بینک کا بعداز ٹیکس منافع دوگنا ہوکر 6.5ارب روپے پر جا پہنچا ۔ فی حصص...
کراچی لیاقت نیشنل میڈیکل کالج کے 9ویں جلسہ تقسیم اسناد کی تقریب لیاقت نیشنل ہسپتال اینڈ میڈیکل کالج کے...
کراچیانٹر بورڈز کوآرڈی نیشن کمیٹی نے آذاد جموں کشمیر اور گلگت بلتستان کے طلبہ کی سفری دشواریوں کے پیش نظر...