میہڑ گرڈ اسٹیشن میں دھماکا، سسٹم جل گیا، 6فیڈرز کی بجلی بند ہوگئی

22 ستمبر ، 2022

میہڑ (نامہ نگار) میہڑ گرڈ اسٹیشن میں دھماکے اور آگ لگنے سے سسٹم جل گیا اور 6فیڈرز کی بجلی بند ہوگئی ، فالٹ درست کرنے کے دوران بجلی کے کرنٹ لگنے سے ایک ملازم جاں بحق ہوگیا ، سیپکو چیف ایگزیکٹیو سکھر نے4؍ افسران معطل کر دیئے۔ تفصیلات کے مطابق گزشتہ رات گرڈ اسٹیشن میہڑ میں اچانک دھماکا ہو گیا جس سے گرڈ اسٹیشن میں آگ لگ گئی ۔ اور گرڈ اسٹیشن میں 6فیڈرز کا سسٹم بس بار سسٹم جل گیا اور اس میں فالٹ ہوگیا۔ جس کی وجہ سے 6فیڈرز میہڑ سٹی ون۔ سٹی ٹو۔ وی آئی پی ۔ اولڈ بیٹو ۔ فرید آباد اور فیڈر علی مرداں جتوئی کے میہڑ شہر اور متعدد دیہاتوں میں بجلی کی فراہمی معطل ہوگئی ۔