انٹر بینک میں ڈالر 240؍اوپن مارکیٹ میں 245.45؍روپے ہو گیا

کراچی ( نمائندہ جنگ) انٹر بینک میں ڈالر کی قیمت 75پیسے مزید بڑھ گئی لیکن یورو اور پاؤنڈ کی قیمت میں 2روپے تک کی کمی ،فاریکس ایسوسی ایشن کی جاری کردہ رپورٹ کے مطابق بدھ کو انٹر بینک میں ڈالر کی قیمت خرید 75 پیسے کے اضافے سے 239.00 روپے سے بڑھ کر 239.75 روپے اور قیمت فروخت 70پیسے کے اضافے سے 239.30 روپے سے بڑھ کر 240.00 روپے ہو گئی ہے ،دوسری جانب اوپن مارکیٹ میں ڈالر کی قیمت خرید 40پیسے کی کمی سے 243.40 روپے سے کم ہو کر 243.00 روپے ہو گئی لیکن قیمت خرید 5پیسے کے اضافے سے 245.40 روپے سے بڑھ کر 245.45 روپے ہو گئی ہے ۔