پیٹرول کے بعد یوٹیلیٹی اسٹورز پر بھی اشیائے صرف کی قیمتوں میں مزید اضافہ

اسلام آباد(این این آئی) ملک میں پیٹرول کی قیمت بڑھنے کے ساتھ ہی یوٹیلٹی اسٹورز پر اشیائے صرف کی قیمتوں میں بھی اضافہ کردیا گیا ہے۔تفصیلات کے مطابق یوٹیلیٹی اسٹورز نے مرچ ،ہلدی ،کالی مرچ، سمیت مصالحہ جات کی قیمتوں میں اضافہ کر دیا ، اس سلسلے میں باقاعدہ نوٹیفکیشن بھی جاری کردیا گیا ہے۔نوٹیفکیشن کے مطابق یوٹیلیٹی برانڈ کے مصالحہ جات کی قیمتیں بڑھائی گئی ہیں، جس کے مطابق 400گرام مرچ 40روپے مہنگی کر دی گئی ہے جبکہ 200گرام مرچ کی قیمت 320 روپے سے بڑھا کر 360روپے کی گئی ہے۔ علاوہ ازیں 100گرام ہلدی کی قیمت میں 10روپے کا اضافہ کرنے کے ساتھ 50گرام لونگ کی قیمت میں 60روپے کا اضافہ کیا گیا ہے۔