شاہد خاقان نے شہبازگل کو ہتک عزت کا نوٹس بھجوادیا

اسلام آ باد(پی پی آ ئی)پاکستان مسلم لیگ ن کے رہنما اور سابق وزیراعظم شاہد خاقان عباسی نے شہبازگل کو ہتک عزت کا نوٹس بھجوادیا۔شہبازگل نےان پر بھارتی کمپنیوں سے 140ملین کی رقم لینے کا الزام عائد کیا تھا لیگی رہنما شاہد خاقان عباسی نے تحریک انصاف کے رہنما شہباز گل کو ہتک عزت کا نوٹس بھجوادیا ہے۔شہبازگل نے شاہد خاقان عباسی پر بھارتی کمپنیوں سے 140ملین کی رقم لینے کا الزام عائد کیا تھا، جب کہ شاہد خاقان کو غدار اور بھارتی جاسوس تک کہا تھا۔شاہد خاقان عباسی نے نوٹس میں کہا ہے کہ شہباز گل جھوٹے الزامات سے ہتک عزت کے مرتکب ہوئے، ان الزامات پرسات روزمیں قوم کے سامنے شاہد خاقان عباسی سے معافی مانگیں۔نوٹس کے متن میں ہے کہ شہبازگل نے اگر 7 روزمیں معافی نہ مانگی تو ان کے خلاف قانونی چارہ جوئی کی جائے گی۔