ہربار واش روم جاتے ہوئے لگتا ہے کوئی پیچھا کررہا ہے، ہیری بروک

کراچی(اسٹاف رپورٹر)انگلینڈ کرکٹ ٹیم کے بیٹر ہیری بروک کا کہنا تھا کہ یہاں سب کچھ بہت اچھا ہے، ہم خود کو محفوظ سمجھ رہے ہیں اور یہاں مزہ بھی آرہا ہے۔ اس دورے کے دوران بھی سیکیورٹی پی ایس ایل کی طرح ہی ہے، انہوں نے سیکورٹی کا مزا لیتے ہوئے کہا کہ جب بھی واش روم جاتا ہوں تو لگتا ہے کوئی میرا پیچھا کررہا ہے۔ انہوں نے کہا کہ پاکستان سپر لیگ کھیلنےکے باعث یہاں کا تجربہ تھا۔ آئوٹ فیلڈ تیز تھی اس وجہ سے نیچے شاٹس کھیلے اور آخر تک ناٹ آئوٹ رہنے کی کوشش کی۔خیال رہے کہ ان کے جارحانہ 42 رنز نے پہلے ٹی ٹوئنٹی میں انگلینڈ کی جیت میں اہم کردار ادا کیا تھا۔