کوٹ غلام محمد (نامہ نگار) وزیر اعلیٰ سندھ سید مراد علی شاہ نے کہا ہے جھڈو کے نزدیک سیم نالے میں زیرو پوائنٹ کے مقام پر شگاف ڈالنے کی ذمہ داری محکمہ آب پاشی کی ہے اور اس کے ماہرین ہی فیصلہ کرسکتے ہیں کہ کہاں شگاف ڈالنا ہے۔ وہ کوٹ غلام محمد کے نواحی گاؤں محمد ہاشم بھرگڑی (کلواری) میں صحافیوں سے گفتگو کر رہے تھے۔ انہوں نے کہا کہ میری یا آپ کی خواہش پر نہیں بلکہ ماہرین کی رائے کے مطابق ہی اس کا فیصلہ کیاجائے گا۔ سید مراد علی شاہ نے کہا کہ اس مرتبہ سندھ میں گیارہ سو ملی میٹر کے قریب بارش ہوئی ہے اور بارش کے پانی کا اندازہ تیس تربیلا ڈیم جتنا ہے۔ لوگ تکلیف میں ہیں، ان کے نقصانات ہوئے ہیں لیکن ہر چیز کے فائدے اور نقصان ہوتے ہیں۔ اس کا مطلب یہ نہیں کہ بلا سوچے سمجھے ہی کسی کے کہنے پر شگاف ڈال دیا جائے۔ ایک صحافی کے سوال پر کہ لوگوں کا خیال ہے کہ حکومت کی غفلت کے باعث یہ نقصان ہوئے ہیں، انہوں نے ہنستے ہوئے کہا کہ لوگوں کو میں جواب دے دوں گا۔ آئندہ فصل کے لئے گندم کی امدادی قیمت چار ہزار روپے من مقرر کرنے کے فیصلے کا دفاع کرتے ہوئے وزیر اعلیٰ نے کہا کہ اس کا مقصد کسانوں اور کاشت کاروں کو گندم کی ذیادہ سے ذیادہ کاشت کی ترغیب دینا ہے تاکہ ہم ایک طرف تو ہم اپنے کسان بھائیوں کو فائدہ پہنچا سکیں اور دوسری جانب زر مبادلہ بھی بچا سکیں۔ حکومت سندھ کے اس اقدام سے ملک گندم کی خود کفالت کی طرف جائے گا۔ انہوں نے کہا کہ اس وقت ہم نو ہزار روپے من گندم درآمد کررہے ہیں اور آئندہ سال تقریباً پندرہ ہزار میں لینی پڑے گی۔ حکومت کے پاس گندم کا ذخیرہ موجود ہے وہ 20 ستمبر کے بعد مارکیٹ میں فراہم کردی جائے گی۔ اس سے آٹے کی قیمت میں کمی ہوگی۔ قبل ازیں انہوں نے پاکستان پیپلز پارٹی کے رکن سندھ اسمبلی رئیس نور احمد خان بھرگڑی اور ان کے بھائی رئیس محمد ہاشم بھرگڑی سے ان کی والدہ کی وفات پر تعزیت کی اور مرحومہ کے ایصال ثواب کے لئے فاتحہ خوانی اور دعائے مغفرت کی۔
اسلام آباد پیٹرولیم ڈویژن نے ایف بی آر اور وزارت داخلہ سے ایران سے اسمگل شدہ پی او ایل مصنوعات کی بڑھتی...
اسلام آبادسپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا۔ اسی طرح بلوچستان اسمبلی کے...
کراچی برصغیر کی فلموں کے ناموں میں شامل ’’مسٹر‘‘ کامیابی کی ضمانت بن گیا، سپر اسٹار امیتابھ بچن کی مسٹر...
لاہور پنجاب کی تاریخ میں پہلی مرتبہ سزائے موت، عمر قید اور 5سال سے زائد قید کی سزا پانے والوں کو ان کے آبائی...
کراچیپاکستان اسٹاک ایکسچینج، منافع کی خاطر فروخت بڑھنے سے مارکیٹ میں اتارچڑھاؤ کے بعد منفی رحجان رہا، کے...
کراچیانٹر بینک میں ڈالر کی قیمت 10 پیسے تک بڑھ گئی اوپن مارکیٹ میں 18 پیسے تک کم ہو گئی،یوروکی قیمت میں 29پیسے تک...
کراچی سونے کی قیمت میں 500 روپے فی تولہ کا اضافہ، عالمی مارکیٹ میں سونے کی قیمت 2ڈالر فی اونس کے اضافے سے 2320...
کراچی اسٹیٹ بینک کے زر مبادلہ ذخائر میں ایک ہفتے کے دوران 7 کروڑ 40 لاکھ ڈالر کی کمی، اسٹیٹ بینک کی جانب سے جاری...