رنگے ہاتھوں پکڑا گیا تو کہتا ہے مجھ سے سائفر گم ہوگیا،پاکستان کے مفادات کو پامال کرنے والے کو نشان عبرت بنانا چاہئے،مریم نواز

لاہور(پی پی آ ئی) پاکستان مسلم لیگ(ن) کی نا ئب صدر مریم نواز نے کہا ہے کہ سائفر صرف ایک کاغذ کا ٹکڑا نہیں بلکہ ریاستِ پاکستان کی امانت ہے، ریاست کے مفادات کو پامال کرنے والے کو نشانِ عبرت بنانا چاہیے۔ سوشل میڈیا پر اپنے بیان میں لیگی رہنما مریم نواز نے عمران خان کو مخا طب کرتے ہو ئے کہا کہ قومی امانتوں میں خیانت کرکے ریاست کے مفادات کو پامال کرنے والے کو نشانِ عبرت بنانا چاہیے تاکہ پھر کسی فارن ایجنٹ کو ڈالروں کے عوض سیاسی بھیس بدل کر ملک کو نقصان پہنچانے کی ہمت نا ہو۔ انہوں نے کہا کہ ایک تو جعل سازی کی اور پھر اس خوف سے کہ پکڑا نا جاؤں، سائفر ہی غائب کر دیا۔ رنگے ہاتھوں پکڑا گیا تو کہتا ہے مجھ سے سائفر گم گیا۔ مریم نواز نے مجھ سے سائفر گم گیا کا ہیش ٹیگ بھی استعمال کیا۔