رنگےہاتھوں پکڑا گیا تو کہتاہے سائفر گم ہوگیا، مریم نواز

لاہور( نمائندہ جنگ) پاکستان مسلم لیگ (ن) کی مرکزی نائب صدر مریم نواز شریف نے کہا ہے کہرنگےہاتھوں پکڑا گیا تو کہتاہے سائفر گم ہوگیا، ایک تو جعلسازی کی اور پھر اس خوف سے کہ پکڑا نہ جائوں سائفر ہی غائب کر دیا۔سماجی رابطے کی ویب سائٹ پر جاری کیے گئے اپنے بیان میں مریم نواز نے کہا ہے کہ رنگے ہاتھوں پکڑے گئے تو کہتے ہیں کہ مجھ سے سائفر گم ہو گیا۔انہوں نے کہا کہ سائفر صرف ایک کاغذ کا ٹکڑا نہیں بلکہ ریاست پاکستان کی امانت ہے۔انہوں نے کہا کہ قومی امانتوں میں خیانت کر کے ریاست کے مفادات کو پامال کرنے والے کو نشانِ عبرت بنانا چاہیے۔مریم نواز نے مزید کہا کہ قومی امانتوں میں خیانت کرنے والے کو نشانِ عبرت بنانے سے کسی فارن ایجنٹ کو ڈالروں کے عوض سیاسی بھیس بدل کر ملک کو نقصان پہنچانے کی ہمت نہیں ہو گی۔