عمران خان باہر نکلو قوم آپ کے ساتھ ہے، شیخ رشید

راولپنڈی (خبر نگار) عوامی مسلم لیگ کے سربراہ شیخ رشید احمد نے کہا ہے کہ سپریم کورٹ سائفر کی تحقیق نہیں کریگا تو حالات گھمبیر ہوسکتے ہیں، عمران خان کی نااہلی اور گرفتاری سے حکمرانوں کو کچھ نہیں ملے گا، اکتوبر اہم ہے ، 15 نومبر تک اہم سیاسی فیصلے ہو جائینگے، عمران خان باہر نکلو قوم آپ کیساتھ ہے،گزشتہ روز اپنے ٹویٹ میں انہوں نے لکھا کہ کم عقل حکمران ہر قدم اپنے خلاف اٹھاتے ہیں،دو ہفتے سے بلاول بھٹو امریکہ میں مزے کر رہا ہے اسے سندھ کے سیلاب زدگان کی کوئی فکر نہیں، پاکستان کے سیاسی مستقبل کا فیصلہ اب اعلیٰ عدالتوں سے منسلک ہے،4 اکتوبر کو نیب ترامیم کیس کی سماعت بھی اہم ہے انہوں نے خبردار کیا کہ اگر عمران خان کی کال پر فیصلہ چوک اور چوارہے میں ہونا ہے تو جھاڑو پھر جائیگا، عوام کے مسائل سے ڈیل کی ضرورت ہے چوروں سے نہیں۔