وفاقی وزیر داخلہ رانا ثناء اللّٰہ کے وارنٹ گرفتاری معطل

راولپنڈی(جنگ نیوز) لاہور ہائی کورٹ کے راولپنڈی بنچ نے وفاقی وزیر داخلہ رانا ثناء اللّٰہ کے وارنٹ گرفتاری معطل کر دیے، لاہور ہائی کورٹ کے راولپنڈی بنچ نے اینٹی کرپشن سے17اکتوبر کو ریکارڈ طلب کرلیا۔ جسٹس صداقت علی خان نے وارنٹ گرفتاری کیخلاف درخواست کی سماعت کی۔عدالت نے محکمہ اینٹی کرپشن کو وارنٹ گرفتاری پر ہر طرح کی کارروائی سے روک دیا اور اینٹی کرپشن کی تفتیشی ٹیم کو نوٹس جاری کرکے 17اکتوبرکوکیس کا ریکارڈ بھی طلب کر لیا۔وزیرداخلہ رانا ثناء اللّٰہ پر کلر کہار میں نجی سوسائٹی کے مالک سے رشوت میں دو پلاٹ لینے اور غیرقانونی سوسائٹی کی رجسٹریشن کا الزام ہے۔