بھارت،انتہاپسندوں کا مسجد پر حملہ، نمازیوں کو قتل، گاؤں سے نکالنے کی دھمکیاں

نئی دہلی(نیوز ایجنسی، جنگ نیوز) بھارت میں سیکڑوں ہندو انتہاپسندوں نے ایک اورمسجد پر دھاوا بول دیا، تازہ ریاست ہریانہ کے شہرگروگرام میں پیش آیا، ملزمان نے مسجد کی بے حرمتی اور توڑ پھوڑ کی، نمازیوں کو قتل کرنے اور گائوں سے نکالنے کی دھمکیاں، دیں، نماز فجر میں آنے والے نمازیوں کو بھی ہراساں کیا گیا اور دھمکیاں دی گئیں، پولیس نے ایف آئی آر درج کرلی تاہم کوئی گرفتاری عمل میں نہ آسکی۔ تفصیلات کے مطابق مودی حکومت میں ہندو انتہاپسندوں کی جانب سے مساجد پر منظم منصوبہ بندی سے حملے جاری ہیں۔ پولیس کی جانب سے ہندو انتہا پسند غنڈوں کے خلاف کارروائی نہ کئے جانے سے مسلمانوں پر تشدد اور قتل کے واقعات میں اضافہ ہورہا ہے۔