بجلی بندش پر عدالتی کارروائی متاثر ہونے پر کے الیکٹرک نے معذرت کر لی

کراچی ( اسٹاف رپورٹر ) کے الیکٹرک نے بجلی بریک ڈاؤن پر عدالتی کارروائی متاثر ہونے پر تحریری طور پر معذرت کرتے ہوئے کہا ہے کہ نیشنل گرڈ اسٹیشن میں خرابی کے باعث بجلی فراہمی معطل ہوئی۔ کے الیکٹرک کی جانب سے کوئی فنی خرابی آتی ہے یا آتی تو ادارہ ضرور دوسرے فیڈر سے متبادل انتظام کر لیتا لیکن نیشنل گرڈ میں خرابی کے باعث 8 ہزار میگا واٹ بجلی عدم دستیاب رہی جس کی وجہ سے پورے پاکستان میں فنی خرابی درست ہونے تک بجلی کا بحران رہا۔