پاکستان نے تین قومی کر کٹ ایونٹ جیت لیا، نیوزی لینڈ کو ہوم گرائونڈ پر شکست

کراچی(نما ئندہ جنگ) ناکامیوں اور مشکلات سے دوچار پاکستانی کر کٹ ٹیم نے جمعے کو سہ فریقی کر کٹ ٹور نامنٹ جیت کر اس ماہ آسٹریلیا میں کھیلے جانے والے ٹی ٹوئنٹی ورلڈ کپ سے قبل حریف ٹیموں کے لئے خطرے کی گھنٹی بجادی، اس میچ میں پاکستان کے مڈل آرڈر بیٹسمین نے ذمے داری کا مظاہرہ کرتے ہوئے اپنی پچھلی ناکامیوں کو دھونے کی بھر پور کوشش کی، مڈل آرڈر بیٹسمین حیدر علی اور محمد نواز نے دبائو توڑتے ہوئے مزاحمتی اننگز کھیلی اور قومی ٹیم کو جیت کی جانب گامزن کیا ، حید علی نے 15 گیندوں پر 31 رنز بنائے ، جارح مزاج بیٹر آصف علی بھی 2 گیندوں پر ایک رن بناکر آؤٹ ہوگئے۔ محمد نواز 22 گیندوں پر 38 رنز بناکر ناٹ آؤٹ رہے جبکہ افتخار احمد نے بھی 14 گیندوں پر 25 کی ناقابل شکست اننگز کھیل کر ٹیم کی جیت میں اہم کردار ادا کیا۔نیوز ی لینڈ کی جانب سے بریسویل نے دو کھلاڑیوں کو آوٹ کیا۔