ملتان‘نشترہسپتال میں لاشوں کی بیحرمتی ‘ سیکڑوں سردخانے اورچھت پر موجود

لاہور(جنگ نیوز‘ایجنسیاں)ملتان کے نشتر اسپتال میں لاشوں کی بیحرمتی ‘سردخانے اور چھت پر سیکڑوں لاشوں کی موجودگی کا انکشاف ہے ۔ذرائع کا بتانا ہے کہ نشتر اسپتال کی چھت پر بنے کمرے میں درجنوں لاشیں گل سڑ رہی ہیں۔نشترمیڈیکل یونیورسٹی کے شعبہ اناٹومی کی سربراہ ڈاکٹرمریم اشرف نے کہا ہے کہ لاوارث لاشیں میڈیکل کے طلباء کے مطالعے کیلئےاستعمال ہوتی ہیں جبکہ ایڈیشنل چیف سیکرٹری ساوتھ پنجاب نے تحقیقات کیلئے کمیٹی قائم کردی ‘ادھر وزیراعلیٰ پنجاب نے واقعہ کا نوٹس لیتے ہوئے تحقیقات کا حکم دیدیا‘ انہوں نے سیکرٹری ہیلتھ کیئر اینڈ میڈیکل ایجوکیشن سے رپورٹ بھی طلب کر لی۔