عمران خان کا سارا رونا آرمی چیف کی تعیناتی سے متعلق ہے،وزیر دفاع

اسلام آباد( نیوز رپورٹر،صباح نیوز) وزیر دفاع خواجہ آصف نے خدشہ ظاہر کیا ہے کہ کے پی کے میں سوات اور شمالی علاقہ جات میں 2009اور 2010 کے حالات واپس پیدا ہورہے ہیں،سوات کی صورتحال مقامی حکومت کی ناکامی ہے،عمران خان کا سارا رونا آرمی چیف کی تعیناتی سے متعلق ہے،آرمی چیف کی تعیناتی آئین کے مطابق ہوگی۔ان خیالات کا اظہار انہوں نے تقریب میں اظہار خیال کرتے ہوئے کیا، انہوں نے کہا کہ سوات میں کسی فوجی آپریشن کے آغاز کے بارے میں کچھ نہیں کہہ سکتا، ابھی ایسا کوئی فیصلہ نہیں کیا گیا ۔ ہم نیوٹرل ہیں۔آرمی چیف کے معاملے پر خواجہ آصف نے کہا کہ آئین کے مطابق آرمی چیف کی تعیناتی ہوگی۔ دریںا ثنا پریس کانفرنس سے خطاب میں خواجہ آصف نے کہا ایک جانب چاہتے ہیں کہ وردی والا ادارہ ملک کا دفاع کرے اور دوسری جانب اسی ادارے کے چیف کو ہدف بنا رہے ہیں ۔