پاکستان میں یورپین یونین سفیر کا موسمیاتی تبدیلی پر ردعمل

برسلز( حافظ انیب راشد ) پاکستان میں تعینات یورپین یونین کی سفیر مادام رینا کیونکا نے یورپین دارالحکومت برسلز میں ماحول دوست اسکوٹی( ElectricTrottinett ) چلا کر دنیا بھر میں موسمیاتی تبدیلی کی سنگینی اور اس دوران ماحول دوست سفر کی سہولت پر اپنے رد عمل کا اظہار کیا ہے۔ ردعمل کا یہ اظہار انہوں نے اپنے ٹویٹر اکاؤنٹ پر ایک ویڈیو میں کیا، ویڈیو میں دیکھا جا سکتا ہے کہ وہ اپنی جیب سے فون نکالتی ہیں جس میں بیٹری سے چلنے والی اسکوٹی کی ایپ موجود ہے جس کے ذریعے وہ یہ الیکٹرک اسکوٹی اسٹارٹ کرتی ہیں اور آرام سے اپنی منزل کی طرف روانہ ہوجاتی ہیں، واضح رہے کہ وہ ان دنوں یورپین سفیروں کی کانفرنس میں شرکت کیلئے پاکستان سے برسلز آئی ہوئی ہیں۔