سعودی عرب میں طویل ترین بحری پل کا افتتاح

ریاض(آئی این پی )سعودی عرب میں طویل ترین بحری پل کا افتتاح کردیا گیا ۔میڈیا رپورٹس کے مطابق کمپنی کا کہنا ہے کہ مملکت میں طویل ترین سمندری پل شوری کا افتتاح کردیا گیا ہے ۔ پل 3.3 کلو میٹرطویل ہے۔ پل کی وجہ سے بحرہ احمر کا مغربی ساحل ، جزیرہ شوری سے جڑ گیا ہے۔ یہاں پہلے مرحلے کے تحت تعمیر کیے جانے والے 16 ہوٹلوں میں سے آئندہ سال 11 ہوٹل قائم کرنے کا منصوبہ ہے۔ کمپنی کا مزید کہنا ہے کہ جزائر امھات میں 85 سے زیادہ ساحلی اور تیرتے بنگلے مکمل کرلیے گئے ہیں۔ جزائر میں 2 بڑے ریزروٹ قائم ہوں گے۔ جزیرہ شوری بحراحمر کے 92 جزائر میں سے ایک ہے۔ یہ اپنے منفرد مناظر کے حوالے سے معروف ہے۔ اس کی بناوٹ اوپر سے ڈولفن مچھلی جیسی اور اس کی مونگوں کی بستیوں کا حسن بے مثال ہے۔