آپ پھر واپس آ گئیں، شاہ چارلس کا برطانوی وزیر اعظم سے مکالمہ

لندن(این این آئی) برطانیہ کے شاہ چارلس سوم نے وزیراعظم لز ٹرس سے کہا کہ آپ پھر واپس آ گئیں۔ایک نجی ٹی وی کے مطابق لز ٹرس کا خیال ہوگا کہ بادشاہ چارلس سے پہلی ہفتہ وار ملاقات سے انھیں کچھ وقت کیلیے گزشتہ دنوں کے سیاسی اور اقتصادی بحران کو بھولنے میں مدد ملے گی۔مگر ایسا کچھ نہیں ہوا اور بکنگھم پیلس میں ہونے والی ملاقات کی 15 سیکنڈ کی وڈیو میں دیکھا جا سکتا ہے کہ لز ٹرس گھٹنوں کو موڑ کر رسمی تعظیم پیش کرتے ہوئے یور میجسٹی کہتی ہیں، جس پر بادشاہ جواب دیتے ہیں تو آپ پھر واپس آ گئیں؟ جس پر لز ٹرس مسکراہٹ کے ساتھ کہتی ہیں کہ یہ میرے لیے بہت خوشی کی بات ہے۔