انتہا پسند جماعتیں لانگ مارچ پر دہشتگرد حملہ کر سکتی ہیں،وزارت داخلہ

اسلام آباد ( نمائندہ جنگ )وزارت داخلہ نے سیکرٹری جنرل پی ٹی آئی اسد عمر کو بھی ممکنہ خطرات سے آگاہ کر دیا وزارت داخلہ نے اسد عمر کو مراسلہ ارسال کیا ہے جس میں ملک میں حالیہ دہشتگردی کے واقعات کا حوالہ دیا گیا ہے کہ انتہا پسند جماعتیں پی ٹی آئی کے لانگ مارچ پر دہشتگردی کا حملہ کر سکتی ہیں، بیرونی عناصر کی جانب سے بھی کاروائی کا اندیشہ ہے ،خط میں کہا گیا کہ عوامی اجتماعات میں خودکش یا بم حملہ بھی ہو سکتا ہے ،مراسلہ میں کہا گیا کہ تحریک انصاف راولپنڈی میں عوامی اجتماع کو موخر کرے۔