انقرہ: ترکیہ میں زلزلہ50افراد زخمی

انقرہ(اے پی پی)ترکیہ میں 6.1شدت کا زلزلہ ریکارڈ کیا گیا ہے جس سے50افراد زخمی ہو گئے ۔ ترکیہ کے شہر استنبول سمیت مشرقی علاقوں میں بدھ کی صبح 4 بجکر 8منٹ پر زلزلے کے جھٹکے محسوس کیے گئے ۔ریکٹر سکیل پر زلزلے کی شدت 6.1ریکارڈ کی گئی ،مقامی حکام نے زلزلے کی شدت 5.9 جبکہ امریکی جیولوجیکل سروے کی جانب سے 6.1 بتائی گئی ہے ،زلزلے کامرکز صوبہ ڈوزے کے ضلع گولیا کامیں 10 کلو میٹر گہرائی میں تھا ۔وزیر داخلہ سلیمان سویلونے گولیاکا کا دورہ کیا اور بتایاکہ ایک شخص گھبراہٹ میں بالکونی سے چھلانگ لگانے کے بعد شدید زخمی ہوا۔انہوں نے کہا کہ زلزلے سے چند گودام تباہ ہوئے ہیں تاہم کسی بھاری مالی نقصان کی تاحال کوئی اطلاع موصول نہیں ہوئی ۔ انہوں نے کہا کہ زلزلے کے بعد اب تک 70 آفٹر شاکس ریکارڈ کیے گئے ہیں۔