چین میں دنیا کی سب سے بڑی ونڈ ٹربائن تیار ہوگئی

فوژو(شِنہوا)دنیا کی سب سے بڑی فی یونٹ پیداواری صلاحیت کی حامل دیو ہیکل آف شور ونڈ ٹربائن کی چین کے مشرقی فوجیان صوبے میں تیاری مکمل ہوگئی ہے۔ چائنہ تھری گورجز کارپوریشن کے مطابق، 16 میگا واٹ صلاحیت کی ونڈ ٹربائن 146 میٹر کے حب سے لیس ہے، جو 50 منزلہ عمارت کی اونچائی کے برابر ہے، اس کا دنیا کا سب سے لمبا امپیلر قطر 252 میٹر ہے جو فی میگا واٹ وزن میں سب سے ہلکا ہے۔ ہوا کی پوری رفتار سے، ونڈ ٹربائن مکمل چکر کے ساتھ 34.2 کلو واٹ بجلی پیدا کر سکتی ہے۔ اس کی سالانہ پیداوار، جس کا تخمینہ اوسطا 6کروڑ 60لاکھ کلو واٹ آورزسے زیادہ ہے،اس ونڈ ٹربائن سے 22ہزار ٹن معیاری کوئلے کی بچت کے ساتھ 54ہزار ٹن کاربن ڈائی آکسائیڈ کا اخراج کم ہوسکتا ہے۔