بلاول بھٹوکی خارجہ پالیسی کامیابی حاصل کررہی ہے‘ اعجاز حسین

گوادر (نامہ نگار) پیپلز پارٹی کے صوبائی نائب صدر اعجاز حسین نےکہاہے کہ ملک بے یقینی کے حالات سے گزر رہا ہےتاہم جب سے پارٹی چیئرمین بلاول بھٹو زرداری نے وزیر خارجہ کا عہدہ سنبھالا ہےتب سے بہترین خارجہ پالیسی کے باعث پاکستان گرے لسٹ سے نکالنے میںکامیاب ہواانہوں نے موسمیات کی تبدیلی کی بین الاقوامی کانفرنس میں شرکت کرکے ملک کے نقصانات سے عالمی برادری کو آگاہ کیا گوادر پریس کلب میں پریس کانفرنس کرتے ہوئے انہوں نے کہاکہ عمران خان کا بیانیہ اور بھارتی میڈیا ایک پیج پر ہیں جس کی ہم پرزور مذمت کرتے ہیںہم ملکی اداروں کے ساتھ کھڑے ہیں کسی کو ملک میں انتشارپیداکرنے نہیں دینگے گالم گلوچ کی سیاست ناقابل برداشت ہے پیپلز پارٹی اس حوالے سے ہمیشہ اپنا مثبت کرداراداکرتی آرہی ہے اس موقع پر جیونی پیپلز پارٹی کے رہنما وحید بلوچ، صادق خان اور منیر داؤدی نے بھی خطاب کیا جبکہ افضل بلوچ یوسف فریادی سمیت کارکن بھی موجودتھے۔