پائیدار ترقی کی راہ میں حائل رکاوٹوں کو دور کرنا ہوگا، ڈی سی کیچ

تربت(خ ن)ڈپٹی کمشنر کیچ میجر ر بشیر احمد بڑیچ کی سربراہی میں مقامی حکومتوں میں اقوام متحدہ کے پائیدار ترقیاتی مقاصد کے ہدف کو حاصل کرنے کے حوالے سے ایک اہم اجلاس غیر سرکاری تنظیم لوکل ایمپاورمنٹ ایڈووکیسی اینڈ ڈویلپمنٹ کے نمائندوں اور ضلع کیچ کے متعلقہ ڈیپارٹمنٹ کے سربراہان کے ساتھ ڈی سی کیچ آفس تربت کے میں ہوا اس موقع پر ڈپٹی کمشنر کیچ میجر ر بشیر احمد بڑیچ نے اجلاس میں شریک اہلکاروں کا خیر مقدم کرتے ہوئے کہا کہ نچلی سطح پر پائیدار ترقیاتی مقاصد کو حاصل کرنے کا ہدف ایک حوصلہ افزا اقدام ہے مگر ہمیں چاہیے کہ ہم زمینی حقائق کو مدنظر رکھ کر اپنے مقاصد کو سیٹ کریں تاکہ عملی طور گراؤنڈ لیول پر کام کرنے کے حوالے سے رکاوٹوں کو دور کرنے میں کامیابی حاصل کی جاسکے۔اس دوران لیڈ کے اہلکار انور حسین نے اقوام متحدہ کے پائیدار ترقیاتی مقاصد پر روشنی ڈالی انہوں نے کہا کہ ہم کمیونٹی کی ضرورت کے مطابق اپنے گول سیٹ کریں گے اور پبلک پرائیویٹ پارٹنرشپ بنیادوں پر کام کریں گے تاکہ تمام اسٹیک ہولڈرز کے درمیان ہم آہنگی پیدا ہو اور رکاوٹوں کو دور کرکے پاکستان میں پائیدار ترقی کو ممکن بنایا جاسکے۔دریں اثناء لیڈکی سبینہ گل اور زیب النساء نے اپنی تنظیم کے اغراض ومقاصد پر روشنی ڈالی ان کا کہنا تھا کہ پہلے مرحلے میں ضلع کوئٹہ اور کیچ میں اپنے پروگرام کا آغاز کردیا گیا ہے بعد ازاں دوسرے ضلعوں میں اسکا دائرہ کار مزید وسیع کردیا جائے گا۔