عزیز ماما مرتے دم تک اصولوں پر کاربند رہے، اے این پی

کوئٹہ(پ ر)عوامی نیشنل پارٹی کے صوبائی جنرل سیکرٹری مابت کاکا نے بیان میں ممتازقانون دان ادیب لیکوال عوامی نیشنل پارٹی کے مرکزی رہنماارواشادعزیزاللہ خان عزیز ماما کو13ویں برسی کے موقع پرانہیں ان کی قومی وطنی سیاسی ادبی خدمات پرخراج عقیدت پیش کرتے ہوئے کہا ہےکہ عزیز اللہ ماما شروع دن سے پشتون قومی تحریک سے وابستہ ہوئے اورمرتےدم تک اس پر سختی سے کاربند رہے اس پرخارراستے میں اپنی جہد پرنہ کبھی پشیمان ہوئےاور نہ ہی مفادات ومراعات کا شکاررہے بیک وقت کئی صفات کےمالک تھے ایک پاک دامن باکردارخود دارسیاسی رہنماکےطور پر ان کی قومی سیاسی وطنی ادبی خدمات پشتون قومی تحریک میں ہمیشہ ہمیشہ یادرکھے جائینگے ان کی 13ویں برسی کےمناسبت سے عوامی نیشنل پارٹی کے زیر اہتمام 3دسمبرکوکوئٹہ میں یادریفرنس ہوگا کارکن اور ذمہ داران بھر پور شرکت کو یقینی بنائیں، انہوںنے کہا کہ عزیز ماما پشتون قومی تحریک میں زمانہ طالبعلمی سےسرگرم عمل رہے پشتون سٹوڈنٹس فیڈریشن کے پلیٹ فارم سے جدوجہدکا آغازکیا طالبعلموں کی سیاسی نظریاتی فکری اساس مضبوط وتوانابنانے میں انکاکلیدی کرداررہا ہے وہ طلبا کی آبیاری کرتے رہے انہوں نےکہا کہ عزیز ماما سمیت پشتون قومی تحریک کے اکابرین وشہدانے جن مقاصد کیلئے زندگیاں وقف کر رکھی تھیں قربانیاں اورجانوں کے نذرانے پیش کئے وہ اہداف اور مقاصد آج بھی حل طلب ہیں پشتون بحیثیت مجموعی آج بھی تمام بنیادی ضروریات زندگی سےمحروم ہیںان کے اقدار اورروایات کو بقا کا مسئلہ درپیش ہے جنت نظیروطن خون آلود اوراس پروحشت کے سائے منڈلارہے ہیں غیروں نے پشتون خوا وطن پراپنے مفادات کی جنگ چھیڑرکھی ہے ایک بارپھر انتہا پسندی دہشت گردی پشتون وطن پرمسلط کی جارہی ہےانہوں نےکہاکہ چندخاندانوں کی آسودگی وخوشحالی پشتون اولس کی خوشحالی کی عکاسی نہیں کرتی مخصوص طبقہ اوراشرافیہ ان کے وسائل پر قابض ہیں۔دریں اثنا عوامی نیشنل پارٹی ضلع پشین کے صدر عبدالباری کاکڑ نے عزیز ماما کی 13ویں برسی کے تیاریوں کے مناسبت سے جمعہ 25نومبر کو صبح 10بجے باچاخان مرکز پشین میں ضلعی کابینہ صوبائی کابینہ مرکزی کابینہ کے ارکان صوبائی کونسل کے اراکین تحصیل صدور جنرل سیکرٹریز کا اہم اجلاس طلب کیا ہے۔