کاکڑ خراساں اور مسلم باغ کے قیام کانوٹیفکیشن جاری کیا جائے ، مسلم لیگ ن

کوئٹہ (آن لائن)پاکستان مسلم لیگ(ن) بلوچستان کے صدر وسابق اسپیکر صوبائی اسمبلی جمال شاہ کاکڑ نے پشین کی دو اضلاع میں تقسیم کے نوٹیفکیشن کو خوش آئند قراردیتے ہوئے کہاہے کہ ژوب اورقلعہ سیف اللہ کو بھی دو ، دو اضلاع میں تقسیم کیاجائے ،مسلم باغ اور کاکڑ خراساں پرمشتمل نئے اضلاع کاقیام عمل میں لایاجائے تاکہ عوامی مشکلات میں کمی ہو ،کاکڑ خراساں کااعلان 2016 میں سابق وزیراعلیٰ نواب ثنا اللہ زہری نے دورہ ژوب کے موقع پر کیاتھا۔وزیراعلیٰ بلوچستان میرعبدالقدوس بزنجو کے نئے اضلاع سے متعلق اقدامات قابل تحسین ہیں امید ہے کہ وہ کاکڑ خراساں اور مسلم باغ سے متعلق بھی جلد فیصلہ کرینگے ایک بیان میں ک انہوں نے کہاکہ پاکستان مسلم لیگ(ن) بلوچستان میں نئے اضلاع اوستہ محمد،کاریزات ودیگر کے قیام کا خیر مقدم کرتی ہے، پشین کی دو اضلاع میں تقسیم خوش آئند ہے آبادی کو مدنظررکھتے ہوئے صوبائی حکومت کی جانب سے حالیہ اقدامات خوش آئند ہے ،انہوں نے کہاکہ کاکڑ خراساں کو ضلع کا درجہ دینے کااعلان پر بھی عمل درآمد کی ضرورت ہے ،تحصیل کاکڑ خراساں ،عبداللہ زئی ،کبزئی اور بابر پرمشتمل ضلع ہوگا جبکہ ضلع قلعہ سیف اللہ بھی بہت بڑا ضلع ہے مسلم باغ کو نئے ضلع کا درجہ دیکر کاکڑ خراساں اور مسلم باغ کے عوام کی مشکلات میں کمی لائی جائیں ،انہوں نے کہاکہ وزیراعلیٰ بلوچستان میرعبدالقدوس بزنجو کی جانب سے عوام کی مشکلات کے حل کیلئے نئے اضلاع کا قیام خوش آئند ہے امید ہے کہ وہ جلد کاکڑ خراساں اور مسلم باغ کے قیام کانوٹیفکیشن جاری کرکے وہاں کی عوام کو خوشخبری سنائیں گے۔