تحریک انصاف نے لانگ مارچ کو حتمی شکل دیدیراولپنڈی میں خیمہ بستی بنا نے کا کام شروع قافلوں کا استقبال عمران خود کرینگے،ذرائع

لاہور(نسیم قریشی سے)پاکستان تحریک انصاف نے26نومبر کو راولپنڈی پہنچنے کیلئے لانگ مارچ کی تیاریوں کو حتمی شکل دے دی ، پی ٹی آئی کے ذرائع کا بتانا ہے کہ اس روز عمران خان ہیلی کاپٹر کے ذریعے راولپنڈی پہنچیں گے اور خود قافلوں کا استقبال کریں گے اور اپنے خطاب میں آئندہ کے لائحہ عمل سے آگاہ کریں گے،پی ٹی آئی ذرائع کا بتانا ہے کہ انتخابات کا مطالبہ اپنی جگہ قائم ہے ، پارٹی کی جانب سے اقبال پارک میں ہزاروں لوگوں کے قیام کے لئے انتظامات کئے جارہے ہیں ، دھرنے کیلئےراولپنڈی اور مری روڈ کا انتخاب کیا گیاہے ،پی ٹی آئی کے مطابق یہ ملکی تاریخ کا سب سے بڑا اجتماع ہوگا۔ 25تاریخ کو قافلے پہنچنا شروع ہو جائیں گے جن کیلئےخیمہ بستی بنا نے کا کام شروع ہوچکا ہے۔ پینے کے پانی اور واش رومز کا انتظام بھی کیا جارہا ہے ۔عمران خان کے خطاب کیلئے بم پروف کنٹینر تیار کیا جارہا ہے۔