پاک اٹالین برن سینٹر کے سامنے گٹر ابل پڑے،آمدورفت میں مشکلات

ملتان (سٹاف رپورٹر) پاک اٹالین برن سنٹر کے سامنے گٹر ابل پڑے، گٹروں کا پانی ہسپتال کی دیوار کے ساتھ بہنے لگا جس سے نہ صرف تعفن و گندگی پھیلنے لگی بلکہ آنے جانے والے مریضوں، مسافروں اور ایمبولینسز کو بھی پریشانی کا سامنا کرنا پڑرہا ہے، مریضوں، مسافروں اور عوامی حلقوں نے ڈپٹی کمشنر ، ایم ڈی واسا ودیگر افسران سےفوری طور پر گندے پانی کو ہٹانے کا مطالبہ کیا ہے۔