پروفیسر ڈاکٹر محمد علی شاہ نے پروفیسر آف ذوآلوجی جامعہ زکریا جوائن کرلی

ملتان (سٹاف رپورٹر) پروفیسر ڈاکٹر محمد علی شاہ نے پروفیسر آف ذوآلوجی زکریایونیورسٹی کو جوائن کرلیا ۔ پروفیسر ڈاکٹر محمد علی شاہ 8 سال دو یونیورسٹیوں کی کامیاب وائس چانسلرشپ کرنے کے بعد واپس زکریایونیورسٹی آئے ہیں۔ وائس چانسلر پروفیسر ڈاکٹر منصور اکبر کنڈی نے پروفیسر ڈاکٹر محمد علی شاہ سے جوائننگ لی اور انہیں خوش آمدید کہا ۔ پروفیسر ڈاکٹر محمد علی شاہ 2014-18 گورنمنٹ کالج یونیورسٹی فیصل آباد کے وائس چانسلر رہے اور 2018-22 کو قائد اعظم یونیورسٹی اسلام آ باد کے وائس چانسلر کے طور پر اپنی خدمات سرانجام دیں ۔ حکومت نے انہیں تعلیمی اور انتظامی خدمات پرستارہ امتیاز ، تمغہ امتیاز سے نوازا ۔