افغان مہاجرین پاکستان اورایران کے مظاہروں میں شریک نہ ہوں، طالبان

کراچی (نیوز ڈیسک) افغان حکومت نے پاکستان اور ایران میں افغان مہاجرین کواحتجاجی مظاہروں میں شرکت نہ کرنے کی ہدایت کردی، افغان مہاجرین کو ہدایت کی گئی ہے کہ احتجاج پاکستان اور ایران کا اندرونی معاملہ ہے، شرکت کرکے اپنے لئے مشکلات نہ بڑھائیں ۔ افغان وزارت برائے مہاجرین کی جانب سے جاری بیان میں کہا گیا ہے کہ احتجاجی مظاہرے پاکستان اور ایران کا اندرونی معاملہ ہے۔ بیان میں مزید کہا گیا ہے کہ پاکستان اورایران میں رہنے والے افغان مہاجرین مظاہروں میں شریک نہ ہوں۔ افغان مہاجرین کو مظاہرین کا ساتھ نہیں دینا چاہیے۔ مقامی لوگوں کے احتجاج میں شرکت کرکے افغان مہاجرین اپنے لئے مشکلات نہ بڑھائیں۔