مزدوروں کو حقوق دئیے بغیرملک وقوم ترقی نہیں کرسکتے،ضیاءالدین انصاری

لاہور(نمائندہ خصوصی)امیر جماعت اسلامی لاہور ضیاءالدین انصاری ایڈوکیٹ نے کہا ہے کہ مزدوروں کوحقوق دیئے بغیر ملک و قوم ترقی کی راہ پر گامزن نہیں ہوسکتے۔ این ایل ایف نے اپنے قیام کے بعد سے ہی مزدور تحریک سے عالمی سامراجی نظام کے پیروکاروں کے خلاف جدوجہد شروع کی۔ان خیالات کا اظہار انہوں نے نیشنل لیبر فیڈریشن پاکستان کی 53 ویں یوم تاسیس کے موقع پر خطاب کرتے ہوئے کیا۔ تقریب میں صدر این ایل ایف پاکستان شمس الرحمن سواتی، سیکرٹری طیب اعجاز، صوبائی صدر امین منہاس اوردیگر نے شرکت کی۔