گلشن راوی پولیس سٹیشن کی نئی عمارت کاافتتاح، پولیس کی سروس ڈلیوری کامعیار بہترہورہاہے،سی سی پی او

لاہور(کرائم رپورٹر )سربراہ لاہور پولیس ایڈیشنل آئی جی غلام محمود ڈوگر نے کہا ہے کہ پولیس سمیت ریاستی اداروں کی رٹ کے قیام اور حقیقی نمائندگی میں جدید انفراسٹرکچر کا کلیدی کردار ہے ۔انہوں نے ان خیالات کااظہار پولیس سٹیشن گلشن راوی کی نئی سٹیٹ آف دی آرٹ عمارت کی افتتاحی تقریب سے خطاب کرتے ہوئے کیا۔ سی سی پی او غلام محمود ڈوگر نے تھانہ کی نئی عمارت کے مختلف حصوں کا معائنہ کیا۔ سی سی پی او لاہور ایڈیشنل آئی جی غلام محمود ڈوگر نے کہا کہ پولیس سروس دراصل خلق خدا کے لئے جذبہ خدمت اور محبت کا دوسرا نام ہے۔ غلام محمود ڈوگر نے مزید کہا کہ تھانوں میں شہریوں کے لئے جدید سہولیات اور سروس ڈیلیوری کا معیار بہتر ہو رہا ہے۔