حکمرانوں کے دل سے خوف خدا ختم ہوگیا ہے، اپنی اصلاح کرلیں، ابوالخیر زبیر

لاہور(خبرنگار)جمعیت علماء پاکستان و ملی یکجہتی کونسل کے صدر ڈاکٹر صاحبزادہ ابوالخیر محمد زبیر نے کہا ہے کہ حکومت کے اسلامی احکامات کے خلاف اقدامات اللہ کے غضب کو دعوت دے رہے ہیں کہیں قادیانی تعلیمات کو پھیلانے کیلئے سندھ پبلک سروس کمیشن میں اقلیتی کوٹہ مختص کیا جارہا ہے کہیں سود کو ختم کرنے کے نام پر صرف دوبینکوں سے اپیل واپس لیکے باقی بینکوں کے ذریعہ ملک میں سود کو جاری رکھنے کی منصوبہ بندی کی جارہی ہے الغرض ایسا محسوس ہوتا ہے کہ حکمرانوں کے دل سے خدا کا خوف ختم ہوگیا ہے حکمرانوں سے اپیل ہے کہ وہ اللہ کی پکڑ میں آنے سے پہلے اور مسلمانوں کے غضب کا شکار ہونے سے قبل اپنی اصلاح کرلیں۔