ماسٹرپلان آلودگی کےخاتمے کیلئے کردار ادا کریگا:ڈی جی ایل ڈی اے

لاہور (خصوصی رپورٹر)لاہور ڈویلپمنٹ اتھارٹی کے ڈائریکٹر جنرل عامر احمد خان نے کہا ہے کہ ایل ڈی اے ایک خوشحال ،آلودگی سے پاک اور لاہور کے بہتر مستقبل پر کام کر رہا ہے ۔ماحول کے تحفظ ،سموگ اور آلودگی کے تدارک کے لیے ہم متعلقہ محکموںاور تمام سٹیک ہولڈرز کے ساتھ مکمل تعاون کریں گے ۔ بلند وبالاعمارتوں اورعام گھروں میں شجرکاری یقینی بنانے کے لیے اہم اقدامات کئے جارہے ہیں۔ماسٹر پلان2050 تمام شہری سہولتوں کی فر اہمی کے ساتھ ساتھ آلودگی کے خاتمے کے لیے بھی کردار ادا کرے گا۔ ماسٹر پلان2050 کی تیاری کے لیے ہم بند کمروں میں بیٹھ کر نہیں بلکہ شہرشہر جا کر کام کر رہے ہیں۔ماسٹر پلان میں تمام سٹیک ہولڈرز، قانونی ماہرین ، ٹا ئون پلانرز اور عام شہریوں کی تجاویز شامل کی گئی ہیں ۔