آرمی چیف کا سیاست میں عدم مداخلت کا عہد خوش آئند،سراج الحق

لاہور(نمائندہ خصوصی)امیر جماعت اسلامی سراج الحق نے کہا ہے کہ آرمی چیف کا فوج کی جانب سے سیاست میں عدم مداخلت کے عہد کا اعادہ خوش آئند، عملی اقدامات بھی نظر آنے چاہییں،اسٹیبلشمنٹ غیرجانبداررہی تو پی ڈی ایم اور پی ٹی آئی کی سیاست ختم ہو جائے گی، دونوں کا بیانیہ جرنیل کی چھڑی کے گرد گھوم رہا ہے توشہ خانہ لوٹنے میں سب ملوث ہیں عوام اہل اور ایماندار لوگوں کو آگے لائیں ان خیالات کا اظہار انھوں نے منصورہ میں تربیت گاہ کے شرکا سے خطاب کرتے ہوئے کیاسراج الحق نے کہا کہ سات دہائیوں سے ملکی وسائل کو بے دردی سے لوٹا جا رہا ہے پاکستان میں وسائل کا نہیں ان کی منصفانہ تقسیم کا مسئلہ ہے۔