لاہور (تبصرہ / پرویز بشیر ) مختلف ایجنسیوں نے حکومت کو رپورٹ دی ہے کہ 26 نومبر کو راولپنڈی میں تحریک انصاف کے چیئرمین عمران خان کی دھرنے میں شرکت کا امکان پچاس فیصد ہے اس کی وجہ ان کی ٹانگ میں گولی کا زخم اور ان کی جان کو خطرات کا لاحق ہونا ہے۔ ایجنسیوں کی رپورٹ کے مطابق اگر وہ اس دھرنے میں کسی طرح شرکت بھی کرتے ہیں توبھی ان کے منظرعام پر زیادہ آنے کا بہت کم امکان ہے شرکت کی صورت میں وہ وہاں مختصر قیام کریں گے۔ خیال ہے کہ دھرنا جلسے کی صورت اختیار کرے گا اور جلد ختم کر دیا جائے گا اس کی ایک وجہ یہ بتائی گئی ہے کہ اب تحریک انصاف اپنے پرانے بیانیے کو دہرانا نہیں چاہتی اور وہ اب صرف جلد انتخابات کے انعقاد کے مطالبے پر ہی زور دے گی۔ تحریک انصاف کو معلوم ہو گیا ہے کہ آرمی چیف کی تقرری کی سمری کے بعد صورتحال تبدیل ہو گئی ہے اور اس کی سیاسی پوزیشن کمزور ہو گئی ہے نہ وہ اس میں اپنی پسند شامل کر سکی نہ ہی خود پر قاتلانہ حملے کے بعد عمران خان اپنی مرضی کی ایف آئی آر کٹوا سکے علاوہ ازیں امریکہ سے اچھے تعلقات رکھنے کی خواہش کے اظہار نے ان کے سائفر اور سازش کے بیانیے سے عوام میں جو ردعمل اور جوش و خروش پیدا کیا گیا تھا وہ یکدم ٹھنڈا پڑ گیا بلکہ الٹا اس کا پارٹی اور عمران خان کی ساکھ کو نقصان ہوا مزید براں آرمی چیف قمر باجوہ نے یوم شہدا کی تقریب میں کھل کر عمران خاں کے امریکی سازش کے بیانیے کی دھجیاں بکھیر دیں۔ انہوں نے کہا کہ یہ کیسے ہو سکتا ہے کہ پاکستان کے خلاف کوئی سازش ہو رہی ہو اور پاک فوج ہاتھ پہ ہاتھ دھرے بیٹھی رہے۔ انہوں نے پاک فوج کو غلط الفاظ سے پکارنے کی بھی مذمت کی۔ اس طرح ایک بار پھر انہوں نے عمران خاں کی طرف سے امریکی سازش اور اس میں پاک فوج کے ملوث ہونے کے بیانیے کے پرخچے اڑا دیئے اس طرح فوج کی طرف سے جو واضح پیغام دیا گیا ہے اس سے ظاہر ہوتا ہے کہ اب ان کی ہمدردیاں پہلے والی ہرگز نہیں رہیں۔ بتایا گیا ہے کہ عمران خاں اور تحریک انصاف اب دھرنے میں پاک فوج اور امریکہ کے حوالے سے پرانے القابات اور الزامات سے مکمل گریز کریں گے اور نئی صورتحال میں وہ نئے آرمی چیف کا رویہ دیکھ کر آئندہ کی حکمت عملی اور لائحہ عمل اختیار کریں گے وہ پہلے والی جارحانہ پالیسی ترک کرکے آئندہ سال مقررہ تاریخ سے کچھ عرصہ قبل انتخابات کی تاریخ مل جانے پر اب بڑا ہدف یہ ہے کہ انہیں آئندہ انتخاب کے حوالے سے نااہل نہ کیا جائے وہ اسی کو اپنی کامیابی تصور کریں گے۔
لا ہو ر پولیس حکام کے مطابق رواں مالی سال میں سوا لاکھ کے قریب پولیس یونیفارمز کی خریداری کےلئے 1ارب 20 کروڑ کے...
لاہورآئی جی پنجاب ڈاکٹرعثمان انورسے سی پی او میں امریکی ادارے یونائیٹڈ سٹیٹس انسٹیٹیوٹ آف پیس کے وفدنے...
لا ہو ر مختلف علاقوں سے 3 لاشیں برآمد، پولیس کا کہنا ہے کہ شادمان مارکیٹ کے قریب سے 50 سالہ نامعلوم شخص جبکہ...
لاہور صوبائی دارالحکومت کے مختلف علاقوں میں چوری، ڈکیتی، راہزنی، نقب زنی اور سٹریٹ کرائم کی درجنوں وارداتوں...
لاہور کاہنہ کے علاقہ میں چوکی انچارج سبزی منڈی عبدالرحیم کی پولیس ٹیم نےمنشیات فروش اطہرکو12کلو100گرام چرس...
لاہور رائیونڈ میں 3 سالہ بچہ چھری کے بہیمانہ وار سے شدید زخمی ،داداکی مدعیت میں مقدمہ درج، ملزم گرفتار...
لا ہو ر سی ٹی او عما رہ اطہر کی ماہ صیام اور عید الفطر پر بہترین ٹریفک انتظامات پر ٹیم مبین شہید کو شاباش دی ۔سی...
لاہور انسپکٹر جنرل پولیس پنجاب ڈاکٹر عثمان انور کی جانب سے پولیس فورس کی ہیلتھ ویلفیئر کیلئے اقدامات جاری...