صحافیوں پر ریاستی جبر کیخلاف عمران خان آواز اٹھاتے رہیں گے،مسرت چیمہ

لاہور(خصوصی رپورٹر) ترجمان وزیراعلیٰ وحکومت پنجاب مسرت جمشید چیمہ نے عمران خان سےصحافیوں کی ملاقات کروائی،ملاقات کے حوالے سے مسرت چیمہ کا کہنا تھا کہ رجیم چینج آپریشن کے بعد صحافیوں پر ریاستی جبر کیخلاف عمران خان آواز اٹھاتے رہیں گے، عمران خان نے واضح کیا کہ میڈیا کی آزادی اور صحافیوں کی سکیورٹی یقینی بنانے کیلئے حکومت پر دباؤ مزید بڑھایا جائے گا، اسحاق ڈار اور شہباز شریف کو عوام کے مسائل سے کوئی سروکار نہیں،عام آدمی اور غریب کسان نے اسی ملک میں رہنا ہے،حقیقی آزادی کیلئے اس ملک میں عمران خان کی قیادت ناگزیر ہوچکی ہے۔