پشاور میں لوڈشیڈنگ وبجلی کی بندش کیخلاف شہری سراپا احتجاج بن گئے

پشاور( وقائع نگار) پشاور کے نواحی علاقے ریگی کے شہریوں نے بجلی کی مکمل بندش کے خلاف ناصر باغ روڈ پر احتجاجی مظاہرہ کیا اور روڈ پر رکاوٹیں کھڑی کرکے ہر قسم کے ٹریفک کےلئے بند کردیا کئی گھنٹے ٹریفک بلاک رہی مظاہرین نے حکومت اور پیسکو کے خلاف شدید نعرے بازی بھی کی، مظاہرین نے دھمکی دی کہ اگر بجلی کی سپلائی شروع نہیں کی گئی تو مین روڈ کے ساتھ ساتھ گرڈ اسٹیشن کا گھیرائو کیا جائیگا اور آنیوالے انتخابات میں ووٹنگ کا بائیکاٹ کیا جائے گا ۔ریگی میں پانی کی شدید قلت، مساجد میں پانی ناپید، شدید سردی کے باعث بچے نمونیا کا شکار ہو رہے ہیں۔