اسلام آباد ( نمائندہ جنگ) الیکشن کمیشن نے این اے 45 کرم میں عمران خان اور اقبال وزیر کے ضابطہ اخلاق کی خلاف ورزی سے متعلق کیس کا فیصلہ محفوظ کر لیا، اسپیشل سیکرٹری نے کہا کہ عمران خان پہلے بھی خلاف ورزیاں کرچکے ہیں، اقبال وزیر کیخلاف سخت کارروائی کی جائے۔ چیف الیکشن کمشنر سکندر سلطان راجہ نے ریمارکس دئیے کہ کسی کو بھی الیکشن کمیشن کیخلاف توہین کی اجازت نہیں اور کوئی بھی شخص آئین سے بالا تر نہیں ہے۔ الیکشن کمیشن میں سماعت ہوئی، اسپیشل سیکرٹری نے کہا کہ سرکاری گاڑیاں استعمال ہوئیں،عمران خان پہلے بھی خلاف ورزیاں کر چکے ہیں ،ممبر کمیشن کا کہنا تھا کہ باقی صوبوں میں تو ہیلی کاپٹر بھی استعمال نہیں ہوا ،اسپیشل سیکرٹری نے کہا کہ ہماری گزارش ہے کہ اقبال وزیر کیخلاف سخت کارروائی کی جائے،ڈی جی لاء کا کہنا تھا کہ اقبال وزیر پارٹی کا اہم حصہ ہے ا س کا اثر امیدوار پر پڑتا ہے ، چیف الیکشن کمشنر نے کہا کہ اگر کسی نے خلاف ورزی کی ہے تو اسکا اثر امیدوار پر پڑتا ہے،بیرسٹر گوہر کا کہنا تھا کہ الیکشن کمیشن کو دل بڑا کرنا چاہئے چیف الیکشن کمشنر نے ریمارکس دئیے کہ ہم تو دل بڑا کرتے ہیں لیکن دوسری طرف سے بڑے دل کا مظاہرہ کرنا چاہئے یہ جو آپ تاثر دینے کی کوشش کررہے ہیں کہ صرف خیبرپختونخوا میں نوٹسز ہوئے ہیں ایسا نہیں ہے الیکشن کمیشن نے اس حوالے سے سخت اقدامات کئے ہیں،سب کو نوٹسز دیئے گئے ہیں ، یہ بتائیں ضابطہ اخلاق ہونا چاہئےیا نہیں؟ بیرسٹر گوہر نے کہا کہ ضابطہ اضلاق ہونا چاہئے لیکن ہم نے تو خلاف ورزی نہیں کی ، بعد ازاں الیکشن کمیشن نے فیصلہ محفوظ کر لیا۔
لاہور وزیر اعلیٰ مریم نواز شریف نے پنجاب میں پراونشل انفورسمنٹ اتھارٹی کے قیام کی منظوری دے دی،پنجاب کے ہر...
اسلام آبادسکیورٹی فورسز نے بلوچستان کے ضلع پشین میں آپریشن کے دوران 3 دہشت گردوں کو ہلاک جبکہ ایک کو ز خمی...
لاہورجمعیت علماء اسلام پاکستانکے مرکزی امیر مولانا فضل الرحمن رابطہ عالم اسلامی کی مرکزی باڈی کے رکن منتخب...
اسلام آ باد وزیراعظم شہباز شریف کابینہ ارکان کے ہمراہ آج کراچی کا دورہ کریں گے۔وزیراعظم مزار قائد پر حاضری...
اسلام آ باد سی ڈ ی اے بورڈ نے سر مایہ کاروں کو راغب کرنے کیلئے بلیو ایریا اسلام آ باد کے کمرشل پلاٹوں کی...
اسلام آباد بانی پی ٹی آئی عمران خان نے کہا ہے کہ پنجاب کا ضمنی الیکشن پولیس نے لڑا ، کے پی میں کوئی ایف آئی...
لاہوربھکر کے قریب سی ٹی ڈی اور دہشت گردوں کے درمیان مقابلہ میں 2دہشت گرد ہلاک ہوگئے۔سی ٹی ڈی ترجمان کے مطابق...
اسلام آباد احتساب عدالت نے 190 ملین پاونڈز ریفرنس میں مزید 6گواہوں کے بیان قلمبند کر لئے جبکہ 2 پر جرح مکمل کر...