عمران کی نا اہلی کیخلاف درخواست، لاہور ہائیکورٹ کا 3 رکنی بنچ تشکیل

لاہور(کورٹ رپورٹر) لاہور ہائی کورٹ نے توشہ خانہ کیس میں سابق وزیر اعظم عمران خان کی نااہلی کے خلاف درخواست پر سماعت کیلئے تین رکنی بینچ تشکیل دیدیا، سماعت آئندہ ہفتے میں ہوگی،چیف جسٹس محمد امیر بھٹی تین رکنی بینچ کے سربراہ ہوں گے،بینچ کے دیگر ارکان میں جسٹس عابد عزیز شیخ اور جسٹس ساجد محمود سیٹھی شامل ہیں، جابر علی کے وکیل اظہر صدیق نے درخواست میں موقف اختیار کیا کہ الیکشن کمیشن نے اختیارات سے تجاوز کرتے ہوئے سابق وزیر اعظم کو نااہل قرار دیا،استدعا ہے کہ الیکشن کمیشن کے فیصلے کو کالعدم قرار دیا جائے۔