آئندہ سال سے مڈل کا تمام کورس انگریزی میں پڑھانے کا فیصلہ، اساتذہ پریشان

ملتان (نمائندہ جنگ) مڈل جماعت کا تمام کورس انگریزی میں پڑھانے کافیصلہ،اساتذہ پریشان۔تفصیلات کے مطابق مڈل کی تمام جماعتوں کا کورس آئندہ سال انگریزی میں شائع ہوگا،چھٹی ،ساتویں اور آٹھویں میں اسلامیات اور اردو کے علاوہ تمام کتابیں انگریزی میں ہوں گی،تمام کتابیں 31مارچ 2023 سے قبل مارکیٹ میں ہوں گی۔ اس فیصلے پر اساتذہ نے نظرثانی کا مطالبہ کر دیا۔ اساتذہ کا کہنا ہے کہ پرائمری کلاسز میں اردو اور مڈل میں ایک دم سے انگریزی زبان میں سلیبس درست فیصلہ نہیں۔ طلباء کےساتھ اساتذہ کو بھی کورس پڑھانے میں مشکل پیش آئے گی، سینکڑوں طلباء فیل ہو جائیں گے۔دوسری جانب محکمہ سکول ایجوکیشن کا کہنا ہے کہ نہم و دہم کی کتابیں بھی سنگل نیشنل کریکولم کے تحت2024 سے تبدیل کر دی جائیں گی۔