عمران خان کی کامیابی کا نوٹیفکیشن روکنے کا معاملہ، درخواست گزار پیش نہیں ہوئے

اسلام آباد (نمائندہ جنگ) الیکشن کمیشن میں عمران خان کی کامیابی کا نوٹیفکیشن روکنے کے معاملے پر چیف الیکشن کمشنر کی سربراہی میں تین رکنی بنچ نے کیس کی سماعت کی۔ درخواست گزار علی گوہر بلوچ الیکشن کمیشن میں پیش نہیں ہوئے۔ الیکشن کمیشن میں درخواست گزار کے جونیئر وکیل پیش ہوئے اور کہا کہ درخواست گزار لاہور میں ہیں، پیش نہیں ہوسکے، چیف الیکشن کمشنر نے کہا کہ درخواست گزار کو بتا دیں آئندہ سماعت پر پیش نہ ہوئے تو آپ کی درخواست مسترد کر دیں گے، الیکشن کمیشن نے کیس کی سماعت 13 دسمبر تک ملتوی کردی۔