امریکا، ورجینیا کے شاپنگ سینٹر میں فائرنگ، 6 افراد ہلاک، حملہ آور کی خودکشی

کراچی (نیوز ڈیسک) امریکی ریاست ورجینیا کے شہر چیساپیک میں وال مارٹ شاپنگ سینٹر میں فائرنگ سے 6افراد ہلاک اور 4 زخمی ہوگئے ہوگئے،حملہ آور شاپنگ مال کا ایک مینجر تھا جس نے فائرنگ کے بعد خود کو بھی ہلاک کر لیا ہے، پولیس نے بتایا کہ حملہ مقامی وقت کے مطابق 22:12 بجے (03:12 GMT) پر ہوا، یہ ایک ہفتے سے بھی کم عرصے میں امریکا میں دوسری بڑی شوٹنگ ہے۔ ایک ہفتہ قبل کولوراڈو کے ایک کلب میں فائرنگ سے 5 افراد ہلاک ہوئے تھے۔ابھی تک یہ واضح نہیں ہے کہ حملے کے محرکات کیا تھے۔ واقعے کی ظاہر ہونے والی فوٹیج میں ایک عینی شاہد جس نے وال مارٹ کی یونیفارم پہن رکھی ہے بتاتا ہے کہ وہ ایک اسٹاف روم سے نکلا تھا جس کے بعد ایک مینجر داخل ہوا اور اس نے فائرنگ کر دی۔عینی شاہد نے کہا "افسوس کی بات ہے کہ ہم نے اپنے چند ساتھیوں کو کھو دیا۔"