کالعدم تنظیم کیلئے فنڈنگ، سزا کیخلاف ملزم کی اپیل منظور، رہا کرنے کا حکم

کراچی ( اسٹاف رپورٹر ) سندھ ہائی کورٹ کے جسٹس کے کے آغا کی سربراہی میں دو رکنی بینچ نے کالعدم تنظیم حقانی گروپ کے لئے فنڈنگ کرنے سے متعلق کے مقدمے میں ملزم فیض الرحمان کی سزا کے خلاف اپیل منظور کرتے ہوئے سزا کالعدم قرار دیدی اور فیصلے میں کہا کہ ملزم اگر کسی اور مقدمے میں مطلوب نہیں تو جیل سے رہا کیا جائے، پولیس کے مطابق کو مارچ 2020میں گرفتار کیا گیا حساس ادارے نے سی ٹی ڈی کو اطلاع فراہم کی تھی، حساس ادارے کے مطابق ملزم کالعدم تنظیم کیلئے فنڈز جمع کرتا تھا، جبکہ وکیل صفائی نے موقف دیا تھا کہ ملزم کو مفروضوں پر گرفتار کیا گیا ، انسداد دہشت گردی عدالت نے ملزمان کو مجموعی طور پر 15سال سے زائد قید کی سزا سنائی تھی۔