امیگریشن حکام کو صبح 5 بجے اطلاع کی، ایکشن لیا جاتا تو ملزم فرار نہ ہوتا

اکراچی(اسٹاف رپورٹر ) پولیس نے ڈیفنس میں پولیس اہلکار کو شہید کرنے والے ملزم خرم نثار کی گاڑی ائیرپورٹ کے قریب سے برآمد کر لی ہے، ملزم خرم نثار واردات میں استعمال ہو نے والی گاڑی گھر چھوڑ کر برآمد کی گئی کار میں ائیرپورٹ گیاتھا ، ایس ایس پی سائوتھ کے مطابق پولیس اب تک ملزم کے گھراور ائیرپورٹ سے2گاڑیاں اور 4ہتھیار برآمد کرچکی ہے ،ملزم 4 گھنٹے10 منٹ ایئرپورٹ میں رہا ہے، ملزم نےآن لائن ٹکٹ کرائی تھی ، صبح3 بجکر10 منٹ پر ایئرپورٹ پر پہنچا ،اے ایس ایف، کسٹمز اور اے این ایف کی کلیئرنس کے بعد بورڈنگ پاس کی لائن میں رہااور 3 بجکر55 منٹ پر بورڈنگ پاس حاصل کر لیا، 4بجکر11منٹ پر امیگریشن کلیئر کیا،پرواز نمبر ٹی کے 709 صبح 6 بج کر 35 منٹ پر روانہ ہو نی تھی جو 43 منٹ تاخیر سے صبح 7 بجکر 18 منٹ پر روانہ ہوئی،پولیس کا کہنا ہے کہ امیگریشن حکام کو صبح 5بجے اطلاع کر دی گئی تھی، کوئی ادارہ ایکشن لے لیتا تو ملزم فرار نہیں ہو پاتا۔