معاشرے کی مثبت چیزوں کا اجاگر کرنا ضروری ہے، مرتضیٰ وہاب

کراچی (اسٹاف رپورٹر)آرٹس کونسل آف پاکستان کراچی کے زیراہتمام آرٹس کونسل انسٹیٹیوٹ آف آرٹ اینڈ کرافٹس کے تحت ہونے والے تھرڈ ایئر تھیسز ڈسپلے کا انعقاد احمد پرویز آرٹ گیلری میں کیا گیا،تھیسز ڈسپلے میں ابیلا، نور، رامیزہ، بسمہ عابد، شیزہ شوکت اور زینب عبدالرشید نے حصہ لیا ، ایڈمنسٹریٹر کراچی مرتضیٰ وہاب اور صدر آرٹس کونسل محمد احمد شاہ نے خصوصی شرکت کی، مرتضیٰ وہاب نے اظہار خیال کرتے ہوئے کہا کہ معاشرے کی مثبت چیزوں کا اجاگر کرنا ضروری ہے، آرٹس کونسل کراچی سندھ حکومت کے تعاون سے کام کر رہی ہے، ہم احمد شاہ اور ادارے کے ساتھ کھڑے ہیں، محمد احمد شاہ نے اظہار خیال کرتے ہوئے کہا کہ آرٹس کونسل کراچی کا بنیادی کام نئی نسل کو تخلیقی صلاحیتوں سے مالا مال کرنا ہے، یہ پاکستان کا پہلا آرٹ اسکول ہے ، ہم نے ازسرنوبحال کیا ہے ۔