عالمی منڈی میں تیل کی قیمتیں مزیر گرگئیں، برینٹ کروڈ 84.53 ڈالر کا ہوگیا

لندن (اے ایف پی) امریکا میں مایوس کن اعدادوشمار اور چین میں کورونا وائرس میں تیزی سے اضافے کے بعد عالمی منڈی میں تیل کی قیمتیں 5 فیصد تک گرگئیں، تیل کی قیمتوں میں کمی تیل کی طلب میں کمی خدشات کے بعد ہوئی ہے۔ امریکا میں تیل کے مرکزی کانٹریکٹ ویسٹ ٹیکساس انٹرمیڈیٹ کی قدر میں 4.5فیصد کمی کے بعد اس کی قیمت 77.32 ڈالر فی بیرل ہوگئی جبکہ یورپی بینچ مارک برینٹ نارتھ سی کروڈ آئل کی قدر میں 4.3 فیصد کمی کے بعد اس کی قیمت 84.53 ڈالر فی بیرل ہوگئی۔