راولپنڈی ، اسلام آباد میں لاکھوں کی چوری، شہری نقدی ، زیورات سے محروم

راولپنڈی، اسلام آباد (سٹاف رپورٹر،خصوصی نامہ نگار ) راولپنڈی کے مختلف علاقوں میں شہری ایک گاڑی 15موٹرسائیکلوں ،طلائی زیورات ،موبائلز ،نقدی اوردیگراشیاء جبکہ اسلام آباد میں شہری نقدی وطلائی زیورات، موبائل فون ، لیپ ٹاپس ، گھڑیوں اوردیگر قیمتی اشیا کے علاوہ ایک رکشے، سات موٹرسائیکلوں سے محروم ہوگئے۔ ایک واردات کے دوران مزاحمت پر شہری کو تشددکانشانہ بھی بنادیاگیا۔تھانہ کورال کے علاقے میں شفیق الرحمن سے شریف آباد میں رکشہ چھین لیاگیا، مزاحمت پر ڈاکونے اسے تشددکانشانہ بنایا۔تھانہ دھمیال کے علاقہ کوٹھاموڑمیں راشد کے گھر سے 4تولہ طلائی زیورات اور تین لاکھ پچاس ہزار روپے چوری ہوگئے ۔،تھانہ ویسٹریج کے علاقہ میں عثمان علی ریس کورس گراؤنڈ سے ورزش کر کے ویسٹریج بازار میں پہنچا تو ایک کیری ڈبہ آیا جس میں سوار شخص نے پیرودھائی موڑ جانے کاکہہ کراسے گاڑی میں بٹھالیاتھوڑی دیر کے بعد انہوں نے کوئی سپرے وغیرہ کیا جس سے وہ بے ہوش ہوگیا جب ہوش آیا تو میں ایک کمرے میں تھا انہوں نے شرٹ اترو کر پسٹل کی نوک پر زبردستی ویڈیو بیان لیا کہ میں نے ان کے 50 ہزار روپے دینے ہیں وہ چار لڑکے تھے انہوں نے اس کے بٹوے میں موجود 13 ہزار روپے اورموبائل فون لے لیا اور اس کے منہ پر کپڑا ڈال کر دوبارہ کیری ڈبہ میں ڈال کر اسی جگہ چھوڑ کر بھاگ گئے۔دریں اثناء کورال کے علاقے میں سرگل کے گھر کے تالے توڑ کر پانچ لاکھ روپے مالیت کے طلائی زیورات اور دولاکھ روپے نقدی، فاروق سے موبائل راشد سے موبائل اور نقدی، کرپا کے علاقے میں گل تاسب کے گھر سے سامان، لوہی بھیر کے علاقے میں مسعود کے گھر سے موبائل لیپ ٹاپ ، موبائل اور گھڑیاں چرا لی گئی،تھانہ گولڑہ پولیس کو عالم یار خان نے بتایاکہ اس نے عرفان، مرتضیٰ حسن، عثمان شاہ اور ملک ظفرسے دو گاڑیاں دو کروڑ روپے خریدی اور ایک گاڑی انھیں فروخت کی ، خریدی گئی ایک گاڑی چوری شدہ اور دوسری بینک ڈیفالٹر نکلی ، ملزمان رقم واپس کرنے سے بھی انکار ی ہیں،تھانہ سیکرٹریٹ میں پولیس ڈویلپمنٹ آفیسر فہد شاہ نے مقدمہ درج کر واتے ہوئے بتایاکہ پولیس لائن کی بلاک کی بارک نمبر تین کے لیے 99لاکھ روپے اور بارک نمبر چار وپانچ کی تعمیرومرمت کے لیے 8لاکھ روپے مالیت کا ٹھیکہ دیا گیا، ٹھیکیدار نے کام شرو ع کرتے ہوئے کھڑکیاں ، بجلی وسینٹری کاسمان اتارااورپھر یہ سامان لے کر غائب ہوگیا، کام بھی مکمل نہیں کیا، سرکار کی رقم میں خوردبرد کی، سرکاری سامان چرا لیا، ملزم ٹھیکے دارثقلین خیانت مجرمانہ کا مرتکب ہوا۔ دیگر واردتیں تھانہ پیرودھائی،تھانہ صادق آباد ،تھانہ ویسٹریج ،تھانہ ٹیکسلا ،تھانہ صدرواہ ،تھانہ سول لائنز ، تھانہ گنج منڈی ،تھانہ نیوٹاؤن ،تھانہ ویسٹریج ،تھانہ وارث خان،تھانہ کینٹ ، شالیمار ،رمنا، سنگ جانی کی حدود میں ہوئیں۔